ISTÓRIA BADAK ESKOLA KATÓLIKA SÃO JOÃO DE BRITO LIKISÁ
Eskola Sekundária S. João de Brito Likisá lokaliza iha Rua Koffi Annan besik Igreja Parókia S. João de Brito Likisá.
Eskola ne’e harí iha tinan 2001 ne’ebé diriji husi Padre Yoseph Daslam Moang Kabu nudar diretor dahuluk hodi servisu hamutuk ho profesor Timor sira no profesor balu husi rai Flores Indonézia. Harí ho objetivu atu tulun sarani Parókia Likisá nia oan sira ne’ebé hakarak hala’o estudu ka buka matenek iha eskola ne’e.
Iha tinan 2001 to’o tinan 2011 Eskola ida ne’e nudar Filial ba Eskola Paulo VI Dili hafoin iha tinan 2012 to’o ohin loron eskola ida ne’e hamahan-án fali ba Fundação Sagrado Coração de Jesus.
Profesor no estudante sira iha eskola ida ne’e mai husi ema Munisípiu Likisá rasik no Munisípiu seluk iha Timor.
Diretores sira ne’ebé diriji ona eskola ida ne’e hetan ona troka ba dala lima :
- Padre Yoseph Daslam Moang Kabu, Pr ; Períodu : 2001 to’o 2002
- Padre Geovánio Melo de Sousa; Períodu : 2003 to’o 2006
- Natalino Campos dos Santos, S.E; Períodu : 2006 to’o 2007
- Padre José F. de Jesus P. de Araújo; 2008 to’o 2015
- Victor Bili Mendes, L.Ed; Período 2016 to’o atual